ئاسایشی سلێمانی ڕایگەیاند، لەكاتی دەستگیركردنی تۆمەتبارێكدا ڕووبەڕووی هێزەكانیان بووەتەوە و لە ئەنجامدا تۆمەتبارەكە كوژراوە.
لە ڕوونكردنەوەیەكدا ئاسایشی سلێمانی ئاماژەی بەوەكردووە، لەدرێژەی هەڵمەتەکانی دەستگیرکردنی تاوانکاران و هەڵاتوان لە یاسا، پاشنیوەڕۆی ئەمڕۆ ھێزەکانی ئاسایشی سلێمانی لەسەر فەرمانی دادوەر لە گوندی وێڵەیەری نزیک شاری سلێمانی هەستان بەئەرکی جێبەجێکردنی فەرمانی دەستگیرکردنی تۆمەتبارێکی هەڵاتوو بەناوی ( ک ،ص،أ) کە داواکراوبوو بەپێی ماددەی (405 /31) لە یاسای سزادان.
باسی لەوەشكردووە، پێشتر چەندین جار لەهەوڵی دەستگیرکردنیدا تەقەی لە هێزەئەمنیەکان کردووە و هەڵاتووە، ئەمجارەش لەهەوڵی دەستگیرکردنیدا بەچەک ڕووبەڕووی هێزەکانی ئاسایش بوویەوە و لەئەنجامی بەرپەرچدانەوەدا تۆمەتبارەکە کوژرا.
