حكومەتی هەرێمی كوردستان بڵاویكردووەتەوە، بافڵ جەڵال تاڵەبانی، سەرۆكی یەكێتیی نیشتمانیی كوردستان سەردانی سەرۆك و جێگری سەرۆكی حكومەتی هەرێمی كوردستانی كردووە.
فەرمانگەی میدیا و زانیاریی حكومەتی هەرێم بڵاویكردووەتەوە، مەسرور بارزانی، سەرۆكی حكومەتی هەرێمی كوردستان، بە ئامادەبوونی قوباد تاڵەبانی، جێگری سەرۆكی حكومەتی هەرێم، پێشوازی لە شاندێكی باڵای یەكێتیی نیشتمانیی كوردستان بە سەرۆكایەتیی بافڵ جەڵال تاڵەبانی، سەرۆكی یەكێتیی نیشتمانیی كوردستان كردووە.
لە ڕاگەیەندراوەكەدا هاتووە، لە كۆبوونەوەكەدا كە مەحمود محەمەد، ئەندامی مەكتەبی سیاسیی پارتی دیموكراتی كوردستان ئامادەی بوو، جەخت لە گرنگیی پاڵپشتی و پشتگیریكردنی حكومەتی هەرێمی كوردستان و كارنامە چاكسازییەكەی كرا بە ئاراستەی زیاتر خزمەتكردنی هاوڵاتییان.
