کۆمپانیای SAICـی چینی ئامادەکاریدەکات بۆ خستنەڕووی ئۆتۆمبێلێکی پێشکەوتووی کارەبایی و چاوەڕواندەکرێت ببێتە یەکێک لە بەهێزترین ڕکابەرانی بەرهەمەکانی کۆمپانیای تێسلا-ی ئەمریکی.
ئۆتۆمبێلەکە شێوەیەکی دەبێت نزیک لە “X6″ـی BMWـەوەوە، درێژییەکەی 4 مەتر و 90 سانتیم، پانییەکەی 192 سانتیم و بەرزییەکەی 165 سانتیم دەبێت.
ئۆتۆمبێلەکە پەنجەرەی بێچێوە و تەکنەلۆژیای NFC و چەندین تایبەتمەندیی دیکەی دەبێت.
لە ناوەوە، داشبۆردی ئۆتۆمبێلەکە سێ ڕوونما (شاشە)ی گەورەی هەیە و سەرەکییەکەیان لە جۆری AMOLEDـە بە قەبارەی 15.05 ئینچ.
بەرهەمەکەی SAIC بە بزوێنەری کارەبایی کاردەکات و توانای 544 ئەسپی هەیە، لە نزیکەی دوو چرکە و نیودا خێراییەکەی لە 0 بۆ 100 کیلۆمەتر دەگات.
