پاش ئاشکرابوونی 45 حاڵەتی نوێی ئاوڵەی مەیموون لە بەریتانیا، لە وڵاتەکەدا کۆی گشتیی حاڵەتەکانی توشبوون بەو نەخۆشییە گەیشتە 366.
ئاژانسی تەندروستیی بەریتانی ڕایگەیاندووە، کۆی گشتیی حاڵەتەکانی توشبوون بەو نەخۆشییە گەیشتووەتە 366، 348ـیان لە ناوخۆی ئینگلتەران، دووانیان لە سکۆتلەندا و چواریش لە وێڵز.
ئاماژە بەوە دراوە، خەڵک دەکرێت لەڕێی بەرکەوتنی نزیک بە نەخۆشەکانەوە تووشی نەخۆشییەکە ببن، ئیدی لەڕێی پەیوەندیی سێکسییەوە بێت، یان بەرکەوتنی ئاسایی.
