وەزارەتی تەندروستی: ملیۆنان ڤاكسین دەگەنە عێراق

وتەبێژی وەزارەتی تەندروستیی عێراق ئاشكرایكردووە، ملیۆنان ڤاكسینی دژە كۆرۆنا بەمزوانە دەگەنە عێراق.

سەیف بەدر، وتەبێژی وەزارەتی تەندروستیی عێراق ئەمڕۆ دووشەممە 8ی ئازار ڕایگەیاندووە، “لەماوەی چەند ڕۆژی داهاتوودا ملیۆنان ڤاكسینی دژە كۆرۆنا دەگەنە عێراق، ئێستا لە سەرخستن و گواستنەوەدان”.

وتەبێژەكەی تەندروستیی عێراق ئاشكرایكردووە، بەهۆی پابەندنەبوونی هاوڵاتییان بە ڕێوشوێنەكانی خۆپارێزییەوە ڕەنگە كەرەنتینی درێژخایەنی سەرتاسەری لە عێراق ڕابگەیەندرێت.

بەرەبەیانیی ڕۆژی 2ی ئەم مانگە، یەكەم كاروانی ڤاكسینی دژە كۆرۆنا گەیشتە عێراق كە 50 هەزار ڤاكسین بوو.

لەو ڕێژەیەش 5 هەزار ڤاكسین درا بە هەرێمی كوردستان، لە چەند ڕۆژی ڕابردووشدا دەست بە كوتانی ئەو كەسانە كرا كە دەیانی گرتەوە.

بابەتی پێشتر

لەسەر دواكەوتنی یاسای بودجە 100 پەرلەمانتار هەڕەشەی بایكۆت دەكەن

بابەتی دواتر

پرۆژەیاسای بودجە خرایە بەرنامەی كاری دانیشتنی پەرلەمانی عێراقەوە

بابەتی پەیوەندیدار
Total
1
Share