بەهۆی وەرگەڕانی ئۆتۆمبێلەكەیانەوە گەنجێك گیانی لەدەستدا كە كارمەندی هاتوچۆیە.
ڕووداوێكی هاتووچۆ لە جۆری وەرگەڕان لە شەقامی سەرەكی سلێمانی-گەرمیان لە نزیك شارۆچكەی زەڕایەن گیانلەدەستدانی كەسێكی بەناوی (عیماد ئەركان) تەمەن 30 ساڵ و برینداربوونی كەسێكی دیكەی لێكەوتەوە.
پەیامنێرمان لە گەرمیان پێیڕاگەیاندین، قوربانییەكە كارمەندی هاتوچۆیە و لەگەڵ هاوپیشەیەكیدا بەمەبەستی بەشداریكردن لە خولێكی هاتوچۆ ڕووی لە سلێمانی كردووە، لەكاتی گەڕانەوەیاندا تووشی ئەو ڕووداوە بوون.
وتیشی، لە ڕووداوەكەدا (محەمەد جەبار)ی هاوپیشەی برینداربووە و لەژێر چاودێریی چڕی پزیشكدایە.
بڕیارە ئەمشەو تەرمی قوربانییەكە بگەڕێندرێتەوە كفری و لەوێ بەخاكبسپێردرێت.
