لیژنەی خوێندنی باڵا و توێژینەوەی زانستی لە ئەنجومەنی نوێنەران، دەیەوێت خوێندنی ئەمساڵی زانكۆ و پەیمانگەكان بە “ساڵی دەرچوون” ئەژماربكرێت.
بەپێی ڕاگەیەندراوێكی لیژنەكە، پێشتر ئەم پرسە لەگەڵ وەزیری خوێندنی باڵادا تاوتوێكراوە، ئەمڕۆ چوارشەممە لە كۆبوونەوەی لیژنەی خوێندنی باڵا و توێژینەوەی زانستیدا دووپاتكراوەتەوە.
لیژنەی خوێندنی باڵا ڕایگەیاند، پڕۆژەكە ئامادەیە و دەیدەن بە وەزارەتی خوێندنی باڵا، پێشتر لەگەڵ د. نەبیل كازم وەزیری خوێندنی باڵادا كۆبوونەتەوە و پرسەكە تاوتوێكراوە، بە پەسەندكردنی، ساڵی 2021 – 2022ی خوێندن لە زانكۆ و پەیمانگەكان بە “ساڵی دەرچوون” ئەژماردەكرێت.
