وەزارەتی کۆچ و کۆچبەرانی عێراق رایگەیاند، “نزیکەی 400 خێزانی ئاوارە لە پارێزگای دیالەوە گەڕاونەتەوە ناوچەکانی خۆیان”.
لە راگەیەندراوێکدا وەزارەتی کۆچ و کۆچبەرانی عێراق ئاماژەی بەوەکرد، “نزیکەی 400 خێزانی ئاوارە لە گوندی نەهر ئیمام لە رۆژهەڵاتی ناحیەی موقدادیە لە پارێزگای دیالە گەڕانەوە بۆ ناوچەکانی خۆیان لە کاتێکدا بەهۆی شەڕ و ئاڵۆزییەکانەوە ئاوارەبوون”.
ئەوەشی خستووەتەڕوو، “گەڕانەوەی ئەو خێزانانە بە هاوکاری حکومەتە خۆجێیەکان و دەزگا ئەمنییە پەیوەندیدارەکان بووە، دوای ئەوەی هەموو کارئاسانییەکی گونجاو بۆ گەڕانەوەیان لە گوند و ناوچەکانی خۆیان بۆ کراوە”.
دەشڵێت، “بەردەوامدەبین لە دابینکردنی هەموو ئاسانکارییەک بۆ گەڕانەوەی خێزانە ئاوارەبووەکان بۆ زێدی خۆیان و دابینکردنی هەموو پێداویستییەکان بۆ ژیانێکی شایستە بە شیوەیەکی گشتی”.
