ئەندامێكی ئەنجومەنی نوێنەرانی عێراق ڕایگەیاند، لە چێوەی پڕۆژەیاسای ئاسایشی خۆراک 150 ملیار دینار تەرخانکراوە بۆ کڕینی پێداویستی و دەرمانی شێرپەنجـە.
د.بڕیاڕ ڕەشید، ئەندامی ئەنجومەنی نوێنەرانی عێراق، لە ڕاگەیەندراوێكدا سوپاسی ئەندامانی کورد و سەرجەم ئەندامانی تری لیژنەیی دارایی كردووە كە پاڵپشتی داوایەكی بوون كە لە پڕۆژەیاسای ئاسایشی خۆراكدا جێگیركراوە.
بە وتەی ئەو پەرلەمانتارە، لە چێوەی پڕۆژەیاسای پاڵپشتی ئاسایشی خۆراکدا 150 ملیار دینار تەرخانکراوە بۆ کڕینی پێداویستی و دەرمانی شێرپەنجـە و تالاسیما کە لەنێویشیاندا پێداویستییەکانی نەخۆشخانەی هیوا و نەخۆشانی تەلاسیما هەیە.
