گۆڕێكی به‌كۆمه‌ڵی 50 كه‌س له ناحیەی ڕه‌شاد-ی باشووری ڕۆژئاوای كه‌ركوك دۆزرایه‌وه كه دەوترێت لەلایەن داعشەوە كوژراون.
سه‌عد حه‌ربییه، فه‌رمانده‌ی ئۆپه‌راسیۆنه‌كانی كه‌ركوك ئەمڕۆ دووشەممە 23ی تشرینی دووەم وتی، له ناحیەی ڕه‌شاد سەر بە قه‌زای حه‌ویجه، گۆڕێكی به‌كۆمه‌ڵی 50 كه‌س دۆزراوه‌ته‌وه كه له‌لایه‌ن چەكدارانی ڕێكخراوی داعشه‌وه كوژراون.
وتیشی، “له‌كاتی ئۆپراسیۆنه‌كانی هێزه‌كانی پۆلیسی فیدراڵدا گۆڕه به‌كۆمه‌ڵه‌كه دۆزراوه‌ته‌وه و ده‌ستكراوه به ده‌رهێنانه‌وه‌ی ته‌رمه‌كان”.
حەربییە ئاماژه‌ی به‌وه‌دا كه نازاندرێت ئه‌و ته‌رمانه هی كێن و لێكۆڵینه‌وه بۆ زانینی ناسنامه‌كانیان ده‌ستی پێكردووه.
