بەرێوەبەرایەتیی گشتیی تەندروستیی سلێمانی ڕایدەگەیەنێت، حاڵەتەكانی داخڵكردنی منداڵان بە سكچوون و ڕشانەوە ڕووی لەهەڵكشان كردووە.
بەپێی ڕاگەیەندراوێكی بەڕێوەبەرایەتیی گشتیی تەندروستیی سلێمانی تێیدا هاتووە، حاڵەتەكانی داخڵبوونی منداڵان بە سكچوون و ڕشانەوە ڕووی لە هەڵكشاند كردووە.
لەڕاگەیەندراوەكە هاتووە، لەگەڵ هاتنی ئەم شەپۆلە گەرمایە و گۆڕانكاریی كەشوهەوا لە ماوەی 24 كاتژمێری ڕابردوودا لەبەشی فریاكەوتنی خێرای نەخۆشخانەی د.جەمال ئەحمەد ڕەشیدی منداڵانی فێركاری لەكاتی داخڵبوونی 89 منداڵی نەخۆش 60 منداڵیان بەهۆكاری سكچوون و ڕشانەوە داخڵی نەخۆشخانە كراون.
