ئیلۆن مەسک ملیاردێری ئەمریکی هەڕەشە لە دەستەی بەڕێوەبەریی تۆڕی کۆمەڵایەتیی تویتەر دەکات و پێگەکە تۆمەتبار دەکات بە شاردنەوەی زانیاری.
ئیلۆن مەسک سەرۆکی کۆمپانیای تێسلا هەڕەشەیکرد، کۆتایی بە ڕێکەوتنە 44 ملیار دۆلارییەکەی کڕینی تویتەر بهێنێت و تۆڕە کەمڵایەتییەکەی تۆمەتبارکرد بەوەی ڕەتیانکردووەتەوە زانیاریی بدەنێ سەبارەت بە ئەژمارە ساختەکان.
پارێزەرەکانی مەسک هەڕەشەیەکیان بە نامەدا بۆ ناردووە و تێیدا هاتووە، مەسک چەندین جار داوای زانیاریی کردووە و بە درێژایی مانگێک بەدەستی نەگەیشتووە، ئەمەش “وەک ڕەتکردنەوەی داواکانی بەڕێز مەسک بۆ بەدەستهێنانی زانیاری ئەژماردەکرێت”.
لە نامەکەدا هاتووە، “ئەمە لادانێکی بەرجەستە و ڕوونی تویتەرە لە پابەندییەکانی ڕێکەوتنەکەدا و بەڕێز مەسک هەموو مافەکانی هەیە، بە مافی ڕاگرتنی ڕێکەوتنەکە و کۆتاییهێنان بە یەکگرتنەکەشەوە”.
