گواردیۆلای ڕاهێنەری مانچستەر سیتی پێیوایە ئەكادیمیای بەرشلۆنە بە باشی كاردەكات و جەختیشی كردەوە لەسەر ئەوەی لیڤاندۆڤسكی دەتوانێت لەگەڵ یانە كەتەلۆنییەكە سەركەوتوو بێت.
گواردیۆلا ئاماژەی بەوەدا كە فیران تۆرێس ئاستێكی بەرزی پێشكەش كردووە و ژمارەكان پشتگیری دەكەن.
ڕۆژنامەنوس: ئایا لیڤاندۆڤیسكی لەگەڵ بەرشلۆنە دەگونجێت؟
گواردیۆلا: ئێمە قسە لەسەر لیڤا دەكەین، ئەو دەتوانێت لەگەڵ هەموو تیپێكدا خۆی بگونجێنێت، با بزانین گرێبەستەكە ڕوودەدات؟
پێویستە پشوو درێژ بین چونكە بایرن دەستبەرداری نابێت و دۆخی دارایی بەرشلۆنەش باش نییە.
ڕۆژنامەنوس: ئەی چی دەڵێی لەسەر فیران تۆرێس؟
گواردیۆلا: پێموایە ژمارەكانی باشن، تۆپی پێ وەك تێنس نییە، یارییەكی بەكۆمەڵە.
ڕۆژنامەنوس: ئاستی پێدری و گاڤی چۆنە؟
گواردیۆلا: ئاستێكی نمونەیی پێشكەش دەكەن، ئەمە دەیسەلمێنێت كە ئەكادیمیای بەرشلۆنە باش كاردەكات و بەهرەمەندی زۆریشی تێدایە، وەك هاندەرێكی بەرشلۆنە هیوادارم گاڤی گرێبەستەكەی دریژ بكاتەوە.
