بڕیارە سبەینێ شاندێكی حكومەتی هەرێم بە مەبەستی درێژەدان بە گفتوگۆكانی نێوان حكومەتی ھەرێم و حكومەتی فیدراڵ سەردانی بەغداد بكات.
فەرمانگەی میدیا و زانیاری بڵاویكردووەتەوە، شاندەكە پێكهاتوون لە خالید شوانی وەزیری هەرێم بۆ كاروباری دانوستاندن لەگەڵ حكومەتی فیدراڵ، د. ئومێد سەباح سەرۆكی دیوانی ئەنجومەنی وەزیران، د.عەبدولحكیم خەسرۆ سەرۆكی فەرمانگەی ھەماھەنگی و بەدواداچوون و د.خالید ھادی چاوشلی سەرۆكی دیوانی چاودێریی دارایی ھەرێمی كوردستان.
لە ڕاگەیەندراوەكەدا هاتووە، ئامانجی سەردانی شاندەكەی حكومەتی هەرێم بۆ بەغداد بەمەبەستی درێژەدانە بە گفتوگۆكانی نێوان حكومەتی هەرێم و حكومەتی فیدراڵ.
