جێگری سەرۆكی ئەنجومەنی نوێنەران دەڵێت، نیوەی بەروبوومە نەوتییەكان بەقاچاخدەبرێن و پارەكەی بۆ مافیاكانە.
حاكم زاملی جێگری سەرۆكی ئەنجومەنی نوێنەرانی عێراق ڕایگەیاند، زانیاریی پشتڕاستكەرەوەیان هەیە دەیسەلمێنن كە بەقاچاخبردنی نەوت، دەگاتە نیوەی بڕی نەوتی هەناردەكراوی عێراق.
زاملی لەگەڵ فەرماندە و كاربەدەستانی پۆلیسی نەوت و وزەدا كۆبووەتەوە و وتوویەتی، “ئەوەی لە بەروبوومەكانی نەوت بەقاچاخدەبرێت، بڕەكەی دەگاتە نیوەی ئەو نەوتە خاوەی عێراق دەیفرۆشێت و پارەكەشی بۆ مافیاكانە”.
جێگری سەرۆكی ئەنجومەنی نوێنەرانی عێراق ڕایگەیاندووە، مافیا و لایەنە دەستڕۆیشتووەكان هەوڵدەدەن گرێبەستەكانی چاككردنەوەی تاوەرەكانی كارەبا كە بەهۆی هێرشە تیرۆریستییەكانەوە تێكچوون بەدەستهێنن و سوودمەندببن.
بەپێی وتەی زاملی، ئەو پێشێلكارییانە تەنانەت دەروازە سنوورییەكان و گومرگ و بەندەرەكانیشیان گرتووەتەوە و هەندێك لایەن ڕێگەنادەن سوودەكانیان بۆ گەل بگەڕێندرێنەوە.
