بۆ ساڵی نوێی خوێندن تەمەنی منداڵان بۆ وەرگرتنیان لە باخچە و خوێندنگەكان دیاریكرا.
بەپێی نووسراوێكی وەزارەتی پەروەردەی هەرێم كە واژووی ئالان حەمە سەعید وەزیری پەروەردەی هەرێمی لەسەرە سەبارەت بە پەسەندكردنی پلانی كاری وەزارەتەكە بۆ ساڵی خوێندنی 2022-2023 و میكانیزمەكانی وەرگرتنی منداڵان بۆ قۆناغی یەكەمی باخچەی ساوایان كە 1ی 1ی 2018 تا 31ی 12ی 2018 دەبێت بۆ قۆناغی دووەمی باخچەكان لە دایكبووی 1ی 1ی 2017- تا 31ی 12ی 2017 وەردەگرێت.
لە نووسراوەكەدا هاتووە، ئەمساڵ خوێندكارانی قۆناغی یەكەم لە دایكبووی 1ی 1ی 2016 تاوەكو 31ی 12ی 2016 لە خوێندنگە حكومی و نا حكومییەكان وەردەگیرێن.
