بەپێی پێشبینییەكانی كەشناسیی هەرێم ئەمڕۆ پلەی گەرما هاوشێوەی ڕۆژی پێشوو دەبێت، سبەینێش ڕوو لە نزمبوونەوە دەكات.
بەڕێوەبەرایەتیی گشتیی كەشناسی و بومەلەرزەزانیی هەرێم ڕایگەیاند، ئەمڕۆ ئاسمان بەگشتى نیمچە هەور دەبێت لەگەڵ بوونى تۆزێکى سووک.
سەبارەت بە پلەکانى گەرما دەڵێت، نزیک دەبێتەوە لەگەڵ ڕۆژی پێشوو، خێرایى با مامناوەند 10-20 کم لە کاتژمێرێکدا و مەودای بینین 8-10 کم دەبێت.
دەربارەی كەشوهەوای سبەینێش كەشناسیی هەرێم ڕوونیكردووەتەوە، ئاسمان پەڵەهەور و هەندێ کات نیمچە هەور دەبێت و پلەکانى گەرما بە نزیکەى 2-3 پلە ڕوو لە نزمبوونەوە دەکات.
لەگەڵ ئەوەشدا خێرایی با زیاددەكات بۆ سەروو 20 كم لە کاتژمێرێکدا. مەودای بینین 8-9 کم دەبێت.
