پۆلیسی نەیجیریا ڕایگەیاند، كۆمەڵێكی توڕەی موسڵمانان ڕۆژی شەممە ئاگریان لە كارمەندێكی ئەمنی بەرداوە تا مردن دوای ئەوەی لەگەڵ مامۆستایەكی ئاینیی موسڵمان بووەتە دەمەقاڵەیان.
پۆلیس ڕوونیكردەوە، كارمەندە ئەمنییەكە تەمەنی 30 ساڵە و ناوی (ئەحمەد عوسمان)ە و ڕووداوەكە لە ناوچەی (لۆگبی بابوجا) ڕوویداوە، بەڵام ناوی مامۆستا ئاینییەكە تائێستا نەزانراوە.
ئاماژەی بەوەشكرد، دەمەقاڵێكە گۆڕاوە بۆ كاری توندوتیژی و سوتاندنی ئەحمەد و كوشتنی لەسەر دەستی كۆمەڵێكی توڕە كە لە نزیكەی 200 كەس پێكهاتوون و كەسە ئاینییەكە هانیداون.
لەلایەن بەكارهێنەرانی تۆڕە كۆمەڵایەتییەكانەوە تۆماری ڤیدیۆی ڕووداوی سوتاندنەكە بڵاوكراوەتەوە.
ئەفریقا كە لەنێو وڵاتانی ئەفریقادا خاوەن زۆرترین دانیشووانە، دابەشدەبێت لەنێوان باشووری خاوەن زۆرینە كریستیان و باكووری زۆرینە موسڵمان.
BREAKING NEWS: Mob burns vigilante to death over alleged blasphemy in Lugbe Abuja today. But Nigerians are more concern about yul edochie , Gmail #blackchully Delete , #lautech pic.twitter.com/JwQAX9meGm
— Officialappiah (@officialappiah_) June 5, 2022
باوەڕنەبوون بە خواوەند و كفركردن پرسێكی زۆر هەستیارە لە وڵاتەكەدا و بەمدواییە چەندین بارگرژی بەدوای خۆیدا هێناوە.
مانگی ڕابردوو ژمارەیەك لەو كەسانە ئاگریان لە چەندین ماڵ و كۆگا لە ویلایەتی باوچی لە باكوور بەردا، ڕووداوەكە پاش چەند ڕۆژێك بوو بەسەر بەردبارانكردنی دیبۆرا سەموئێل-ی خوێندكاری كریستیان لە شاری سۆكۆتۆ-ی باكوور تا مردن و دواتر سووتاندنی لەسەر دەستی خوێندكارانی موسوڵمان، دوای ئەوەی لە تۆڕە كۆمەڵایەتییەكان پۆستێكی بڵاوكردەوە و بە سوكایەتیكردن بە پێغەمبەری ئیسلام لێكیاندابووەوە.
سزای كفر و باوەڕنەبوون بە خواوەند لەسێدارەدانە بەپێی شەریعەتی ئیسلام كە هاوشانی یاسای گشتی لە باكووری نەیجیریا جێبەجێدەكرێت، بەڵام لەهەندێك حاڵەتدا، تۆمەتباران لەسەردەستی كۆمەڵە بێسەروبەرەكاندا دەكوژرێن بەبێ ڕێوشوینە یاساییەكان.
