هەڵاوسانی ئابوری لە تورکیا بەرزترین ئاستی تۆمارکرد

ڕێژەی هەڵاوسان لە تورکیا گەیشتە بەرزترین ئاستی لە ماوەی 24 ساڵدا و لیرەش بەرامبەر بە دۆلار زیاتر دابەزی.

بەهۆی بەردەوامی دابەزینی بەهای لیرە و بەرزبوونەوەی نرخی وزە و کاڵاکان لەسەر ئاستی جیهان، لە مانگی ڕابردوودا هەڵاوسانی ئابوری لە تورکیا گەیشتە بەرزترین ئاست لە 24 ساڵی ڕابردوودا کە بەڕێژەی 73.5% بووە.

بە پێی ڕاپۆرتی پەیمانگای ئاماری تورکیا TUIK کە ئەمڕۆ هەینی بڵاویكردووەتەوە، نرخی بەکاربەران بە ڕێژەی 2.98% بەرزبووەتەوە، هاوكات بەپێی ڕاپرسییەکی ڕۆیتەرز پێشبینی کردووە 4.8% بەرزببێتەوە.

تێچووی گواستنەوە و خۆراک لە ماوەی ساڵی ڕابردوودا بە ڕێژەی 108% و 92% بەرزبوونەتەوە، ئەمەش ڕەنگدانەوەی قووڵبوونەوەی قەیرانی ئابورییە بۆ هاوڵاتییان کە لە هەوڵدابوون بۆ کڕینی کاڵا و پێداویستییە سەرەتاییەکانیان.

بەپێی دوایین ئامار كە بەرزترین ئاستی هەڵاوسانی ئابوریی توركیا بووە لە مانگی 10 ی ساڵی 1998بوو، کە هەڵاوسانی ئابوری ساڵانە 76.6% بووە.