توێژینەوەیەکی نوێ دەریخستووە، ڕەنگی جلوبەرگ کاریگەریی هەیە لەسەر ڕاکێشان و دوورخستنەوەی مێشوولە.
بەپێی توێژینەوەکە، مێشوولە زیاتر لە چەند ڕەنگێکی جلوبەرگ نزیکدەبێتەوە، بۆیە نەپۆشینی ئەو ڕەنگانە یارمەتیدەرە بۆ خۆلادان لە پێوەدانەکانی ئەو مێرووە.
زاناکان بۆیاندەرکەوتووە، جلوبەرگی سوور، پرتەقاڵی و ڕەش زیاتر مێشوولە ڕادەکێشن، لە کاتێکدا کە سەوز، مۆر، شین و سپی پشتگوێدەخەن.
ئەدریان ڕۆجەرز بەڕێوەبەری جێبەجێکاری کۆمپانیای قەڵاچۆکردنی مێشوولە لە ئەمریکا ڕوونیکردووەتەوە، ئەمانە تەنیا یارمەتیدەرن بۆ خۆلادان لە مێشوولە، بەڵام هۆکارە سەرەکییەکانی کۆبوونەوەی مێشوولە لە مرۆڤ، ڕەنگ و گەرمیی پێستیەتی، هەروەها ئەو دووانە ئۆکسیدی کاربۆنەش کە لە هەناسەداندا دەیداتەوە.
