پۆلیسی دارستان و ژینگەی سلێمانی ڕایدەگەیەنێت، بە هۆکارێکى نادیار، لە ناحیەى سەنگاو چوار دۆنم پوش و پاوان سووتا.
بەڕێوەبەرایەتیی پۆلیسی دارستان و ژینگەی سلێمانی لە ڕاگەیەندراوێکدا بڵاویکردەوە، له گوندی قەڵا، ئاگرێک کەوتەوە و دەستبەجێ مەفرەزەیەک لە کارمەندانی بنکەی سەنگاو، گەیشتە شوێنى ڕووداوەکە و توانییان لە ماوەیەکى کەمدا، ئاگرەکە کۆنترۆڵ بکەن.
ڕاشیگەیاند، ئاگرەکە بووەهۆى سووتانى چوار دۆنم پوش و پاوان و تائێستا هۆکاری کەوتنەوەی ئاگرەکە نازانرێت.
