وەزیری بازرگانی و پیشەسازیی هەرێمی کوردستان ڕایگەیاند، وەرگرتنی گەنمی جوتیاران بەردەوامە و ئەگەر هیچ گرفتێک دروست نەبێت هەفتەی داهاتوو پارەی گەنمی جوتیاران دابەشدەکەن.
لە سەردانیدا بۆ سایلۆی گەنمی پیرەمەگروون کەمال موسلیم وەزیری بازرگانیی هەرێمی کوردستان ڕایگەیاند، ئەو جۆرە گەنمەی تائێستا وەرگیراوە کوالێتییەکی زۆر باشە، جوتیاران هەر بڕە گەنمێکیان هەبێت لێیان وەردەگیرێت.
لەبارەی پارەی گەنمی جوتیارانەوە وەزیری بازرگانی ئاشکرایکرد، بۆ هەر تۆنێک گەنم بڕی 850 هەزار دینار دەدرێت بە جوتیاران و دڵنیایی دەدات، کە ئەمساڵ هیچ گرفتێک لە پارەی گەنمدا نابێت.
ئاماژەی بەوەکرد، ئێستا بڕه پارهیهك هاتووهته سهر ههژماری وهزارهتی بازرگانی و پیشهسازی، كه له ههولێر و دهۆك بڕی 500 ملیۆن دینار و له پارێزگای سلێمانی بڕی یهك ملیار دینار هاتووەتە سهر ههژماری وهزارهت، ئەگەر هیچ کێشەیەکیش دروست نەبێت لە هەفتەی داهاتوو پارەی گەنمی جوتیاران دابەشدەکرێت.
