ئەپڵ دروستكردنی بەشێك لە ئامێرەكانی ئایپاد لە چین-ـەوە دەگوازێتەوە بۆ ڤێتنام.
بەهۆی كەرەنتین و گرفتی گواستنەوەوە، كۆمپانیای ئەپڵی ئەمریكی بڕیاریدا دروستكردنی بەشێك لە ئامێرەكانی ئایپاد لە چین-ـەوە بباتە ڤێتنام و ترسی كەمبوونەوەی پارچەكانی پێكهێنەری ئامێرەكەی هەیە.
زانیارییەكە ماڵپەڕی “asia.nikkei” ئاشكرایكردووە و دەڵێت، “ئەو كەس و كۆمپانیایانەی پارچە و كەرەستەكانی ئایپاد دابیندەكەن، كۆمپانیای ئەپڵ داوایلێكردوون كەرەستەی ئەمباركراو زیادبكەن بۆ بەرگرتن لە كورتهێنانی پارچە و كەرەستەكان لە داهاتوودا”.
كردنەوەی لقێك لە ڤێتنام، بە هاوكاریی خوودی چین بووە و “asia.nikkei” ڕایگەیاند، كۆمپانیای بی وای دیی چینی یارمەتیی ئەپڵی داوە لە ڤێتنام كارگە بنیادبنێت و ژمارەیەك لە ئامێرەكانی ئایپاد لەوێ دروستبكات.
