بە یارمەتیی هاوڕێ کوڕەکەی.. ژنێک بە بەرچاوی منداڵەکانییەوە هاوسەرەکەی دەکوژێت

ڕاگەیاندنەکانی میسر بڵاویانکردووەتەوە، لە پارێزگای جیزە بە یارمەتیی هاوڕێ کوڕەکەی و بە بەرچاوی منداڵەکانییەوە، ژنێک هاوسەرەکەی خۆی کوشتووە.

ژنەکە هاوسەرەکەی دەرمانخواردکردووە، کوشتوویەتی و پاشان لە بالکۆنی ماڵەکەیانەوە فڕێداوەتە خوارەوە.

ئەم کارەی بە یارمەتیی هاوڕێ کوڕەکەی و بە بەرچاوی منداڵەکانی خۆیەوە ئەنجامداوە.

برای قوربانییەکە بە پێگەی “ئەلقاهیرە24″ـی ڕاگەیاندووە، “ژنەکە چەقۆیەک و هەندێک کەلوپەلی ئەشکەنجەدانی کڕیوە، پاشان دەرمانی سڕکەری خستووەتە قاوەی هاوسەرەکەیەوە. پاش دەرکەوتنی کاریگەریی سڕکەرەکە، ژنەکە بە یارمەتیی هاوڕێ کوڕەکەی، بە زنجیر هاوسەرەکەی خۆی بەستووەتەوە، پاشان هەردووکیان بە کەتەر و چەقۆ لێیانداوە، تا کوشتوویانە و دواتر لە بالکۆنی ماڵەکەوە فڕێیانداوەتە خوارەوە”.

هەروەها منداڵەکانی ژنەکەش ئەم ڕووداوەیان بینیوە و لە ئێستادا بارودۆخێکی دەروونیی سەختیان هەیە.

بابەتی پێشتر

ئاگر لە كارگەیەكی هەولێر كەوتەوە

بابەتی دواتر

وەرزێکی ئێسکشکێن چاوەڕێی ڕیاڵی ئەنچیلۆتی دەکات

بابەتی پەیوەندیدار
Total
0
Share