پۆلیسی سلێمانی سێ تۆمەتباری دەستگیركرد كە یەكێكیان تەقەی كردبوو.
لە ڕاگەیەندراوێكدا بەڕێوەبەرایەتیی پۆلیسی سلێمانی ئاماژەی بەوەكردووە، لە سێ چالاكی جیادا و لەلایەن مەفرەزەكانی بنكەی پۆلیسی ڕزگاری و نوسینگەی نەهێشتنی تاوانی ڕزگارییەوە سێ تۆمەتبار دەستگیركران و دەستیشگیرا بەسەر سێ چەكی جۆری دەمانچەدا.
باسی لەوەشكردووە، توانرا دوو تۆمەتبار دەستگیربكرێت بەناوەکانی (ح ، ك ، ق لەدایكبوی 1975 ) و (د، ب ، ع لەدایكبووی 2003) كە چەكی بێ مۆڵەتیان پێبووە و دەستیشگیراوە بەسەر دوو چەكدا لەجۆری دەمانچە.
لەچالاكییەكی ترداو لەلایەن بنكەی پۆلیسی ڕزگارییەوە توانرا تۆمەتبارێك دەستگیربكرێت كە تەقەی كردبوو.
لەئێستادا تۆمەتبارەكان بە بڕیاری دادوەر ڕاگیراون.
