ئۆتۆمبێلێك خۆی كردووە بە فرۆشگەیەكدا لە قەزای داقوق و بەهۆیەوە منداڵێك گیانیلەدەستداوە و چواری دیكەش برینداربوون كە دووانیان منداڵن.
بەپێی زانیارییەكانی تۆڕی میدیایی ئێستا، ئەمشەو لە یەكێك لە گەڕەكەكانی قەزای داقوق ئۆتۆمبێلێك خۆی كردووە بەنێو فرۆشگەیەكدا و بەو هۆیەوە، منداڵێكی تەمەن هەشت ساڵ بەناوی داڤەند عیماد گیانیلەدەستداوە و چوار كەسی دیكەش برینداربوون كە دووانیان منداڵن و باری تەندروستییان ناجێگیرە.
ئاماژە بەوەشكراوە بریندارەكان ڕەوانەی نەخۆشخانەكانی شاری كەركوك كراون.
