سادیۆ مانێ دوای شكستی یاریی كۆتایی چامپیۆنز لیگ ماڵئاوایی لە هاندەران و یانەی لیڤەرپوڵ كرد.
لیڤەرپوڵ یەك بە سفر بە ڕیاڵ مەدرید دۆڕا و ناسناوی چامپیۆنزلیگی لەدەستدا.
دوای یارییەكە مانێ بە لێدوانەكانی، گومانی خستە سەر داهاتووی خۆی .
مانێ وتی: “سوپاسی لیڤەرپوڵ و هاندەران و كلۆپ دەكەم بۆ ئەوەی لە پێناو مندا كردیان، هیوای سەركەوتنیان بۆ دەخوازم لە وێستگەكانی داهاتوویاندا.”
ئەم قسانەی مانێ واتە وەرزی داهاتوو خۆی لە ڕیزەكانی لیڤەرپوڵ نابینێت.
بەپێی هەواڵی ڕاگەیاندنەكان ، مانێ پەیوەندی بە یانەی بایرن میونشنی ئەڵمانییەوە كردووە و لە جێگەی لیڤاندۆڤیسكی یاریی دەكات كە ئەویش بەرەو بەرشلۆنە هەنگاو دەنێت.
