بەڕێوەبەرایەتیی گشتیی ئەزموونەکانی سەربە وەزارەتی پەروەردەی هەرێمی کوردستان ئاگاداری خوێندکاران و مامۆستایان دەکاتەوە تاقیکردنەوەکان لە 27ی مانگی داهاتووەوە دەستپێدەکات و بۆ هیچ پشوویەکیش تاقیکردنەوەکان دواناخرێن.
لە ڕاگەیەندراوێکی بەڕێوەبەرایەتیی گشتیی ئەزموونەکاندا هاتووە، خولی یه‌كه‌می ئه‌زموونه گشتییه‌كانی قۆناغی 12ی ئاماده‌یی به هه‌ردوو به‌شی زانستی و وێژه‌یی ڕۆژی 27ی حوزەیران دەستپێدەکەن و ڕۆژی 25ی تەمموز کۆتاییان دێت.
