بەڕێوەبەرایەتیی تەندروستیی هەڵەبجە داوا لە هاوڵاتییان دەکات لەکاتی هەبوونی هەر نیشانەیەکی ئەم نەخۆشیە لە منداڵەكانیان (نەخۆشیی هەوكردنی پەردەكانی مێشك)، بەهیچ جۆرێک سەردانی دەرمانخانە و نۆرینگەکان نەکەن.
بەڕێوەبەرایەتیی گشتیی تەندروستیی هەڵەبجە ئەمڕۆ دووشەممە بڵاویکردەوە، “ئاگاداری هاوڵاتیانی سنووری پارێزگای هەڵەبجە و دەوروبەری دەکەین کە لەکاتی هەبوونی هەر نیشانەیەکی ئەم نەخۆشییە لە منداڵەكانیان (نەخۆشیی هەوكردنی پەردەكانی مێشك)، بەهیچ جۆرێک سەردانی دەرمانخانە و نۆرینگەکان مەکەن، یاخود گەر سەردانیشتان کرد بەهیچ جۆرێک دەرمانی ئیلتیهابات(Antibiotic) وەرمەگرن”.
ئاماژەی بەوەشکرد، “لەگەڵ وەرگرتنی دەرمانی هەوکردن رێگا و شێوەی دەستنیشانکردنی نەخۆشیەکە ئاسان نابێت و ناتوانرێت دەستنیشانی بکەین بە هۆکاری کاریگەری دەرمانی بەکارهێنراو لەبەرئەوە ناتوانین دەستنیشانی ئەم نەخۆشییە بۆ هیچ نەخۆشێک بکەین کە پێش سەردانیکردنی بۆ نەخۆشخانەکانمان دەرمانی دەرەوەی بەکارهێنابێت”.
