ئەمڕۆ هەینی تانكەرێكی نەوت لەلایەن چەند چەكدارێكەوە دزرا.
سەرچاوەیەكی پۆلیس ئاشكرایكرد، لەسەر ڕێگای نێوان بەسڕە – بەندەری ئوم قەسڕ، چەند چەكدارێكی نەناسراو تانكەرێكی نەوتیان دزیوە.
ئاشكرایكرد، چەكدارەكان دەموچاویان داپۆشیوە و بە ئۆتۆمبێلێكی پیك ئاپ ڕێگەیان لە تانكەرەكە گرتووە و دوای دابەزاندنی شۆفێرەكەی دزیویانە.
پۆلیسی پارێزگای بەسڕە لەبارەی وردەكاریی ڕووداوەكەوە ڕایگەیاند، شۆفێرەكە هێزە ئەمنییەكانی ئاگاداركردووەتەوە لەوەی چەكدارەكان بردوویانە بۆ شوێنێكی چۆڵ، دواتر هەڕەشەیان لێكردووە و بە زەبری هێز و چەك تانكەرەكەیان لێسەندووە.
