باوكی پێنج منداڵ لە قوشتەپە، بە چەندین شێواز منداڵەكانی ئازارداوە، لەوانە لێدان بە دار و داخكردن و جگەرە كوژاندنەوە لەسەر جەستەیان.
كەسێكی نزیك لەو خێزانە بە تۆڕی میدیایی ئێستای ڕاگەیاند، باوك و دایكی ئەو منداڵانە ماوەیەكە لە یەكتر جیابوونەتەوە و ئاشكرایكرد، باوكەكە ڕۆژانە لە منداڵەكانی داوە و داخیكردوون، تەنانەت جگەرەی لەسەر جەستەیان كوژاندووەتەوە.
وتیشی، سكاڵا لە دژی باوكەكە تۆماركراوە و ئێستا منداڵەكان لە دەست باوکیان ڕزگاركراون و لە شوێنێكی پارێزراودان.
