گۆڤاری “فرانس فووت بۆڵ”ی فەرەنسی، لە هەژماری فەرمی خۆیەوە لە تۆڕی کۆمەڵایەتیی تویتەر، وادەی ئەنجامدانی ڕێوڕەسمی پێشکەشکردنی خەڵاتی تۆپی ئاڵتوونی ئاشکرا کرد.
گۆڤارە بەناوبانگەکەی فەرەنسا و جیهان کە ساڵانە خەڵاتی تۆپی ئاڵتوونی بۆ باشترین یاریزانی جیهان تەرخان دەکات، پشتڕاستی کردەوە، براوەی باڵۆن دۆری ئەمساڵ لە 17ی تشرینی یەکەمی 2022 ڕادەگەیەنرێت.
“فرانس فووت بۆڵ” ئەوەشی ئاشکرا کردووە، لە 12ی ئابی 2022 ناوی کاندیدەکان بۆ پێگەی باشترینی جیهان ڕادەگەیەنرێت، خەڵاتەکەش لەم وەرزەدا دەبەخشرێتە ئەو یاریزانەی لە مانگی ئابی 2021وە تاوەکو تەمووزی 2022 باشترین ئاست و ئەنجامی تۆمار کردووە، واتە ناسناوی مۆندیال ناگرێتەوە.
SAVE THE DATE AND SEE YOU IN OCTOBER! 🌕📅
📍 @theatrechatelet – Paris#ballondor pic.twitter.com/k3LtGP5caL
— Ballon d'Or (@ballondor) May 24, 2022
بە بۆچوونی میدیاکان، پاڵێوراوە سەرەکییەکان بریتین لە کەریم بنزیمە (ڕیاڵ مەدرید)، محەممەد سەڵاح (لیڤەرپوڵ)، سادیۆ مانێ (لیڤەرپوڵ)، ڕۆبێرت لیڤاندۆڤسکی (بایرن میونشن).
