جێگری سەرۆكی فراكسیۆنی یەكێتی لەپەرلەمانی كوردستان ڕایدەگەیەنێت، سبەینێ كۆبوونەوەی سەرۆك فراكسیۆنەكان لەبارەی دەستپێكردنەوەی دانیشتنەكانی پەرلەمان ئەنجامدەدرێت و جەختدەكاتەوە یەكێتی سوورە لەسەر هەمواركردنەوەی یاسای هەڵبژاردنەكان.
لوقمان وەردی، جێگری سەرۆكی فراكسیۆنی یەكێتیی نیشتمانیی كوردستان لە پەرلەمانی كوردستان لەلێدوانێكدا بە تۆڕی میدیایی ئێستای ڕاگەیاند، بڕیارە سبەینێ چوارشەممە كاتژمێر 2ی پاشنیوەڕۆ كۆبوونەوەی سەرۆك فراكسیۆنەكان لەبارەی دەستپێكردنەوەی دانیشتنەكانی پەرلەمان ئەنجامبدرێت.
ئاشكرایكرد، یاسای هەڵبژاردن دەبێت هەمواربكرێتەوە و ئەو یاسایە 30 ساڵ تەمەنییەتی و یەكێتی، گۆڕان، یەكگرتوو، نەوەی نوێ، كۆمەڵی دادگەری و سەربەخۆكان داوای هەمواركردنەوەی یاساكە دەكەن.
ئەو پەرلەمانتارەی یەكێتی وتی، “یەكێتی سوورە لەسەر هەمواركردنەوەی یاسای هەڵبژاردن و دەبێت سیستمی هەڵبژاردن بكرێتە فرەبازنەیی و كورسیی كۆتەكان یەكلابكرێنەوە و تۆماری دەنگدەران پاكبكرێتەوە ئەو كات هەڵبژاردن ئەنجامبدرێت.
سەرۆكایەتیی هەرێم 1ی تشرینی یەكەمی ئەمساڵی بۆ هەڵبژاردنی پەرلەمانی كوردستان دیاریكردووە.
