پێش ڕووبەڕووبونەوەی لیڤەرپوڵ لە یاریی كۆتایی چامپیۆنز لیگ، كارلۆ ئەنچیلۆتی ڕاهێنەری ڕیاڵ مەدرید دوپاتیكردەوە كە بۆ هەموو ئەگەرێك ئامادەن و پێشیوایە یارییەكە هاوسەنگ دەبێت.
ئەنچیلۆتی دوپاتیكردەوە كە ئەگەری یاریكردنی ئالابا لە یاریی كۆتایی زۆرە و پێكانی مارسیلۆش سوكە.
پێشیوایە لەداهاتوودا كاسمیرۆ و كروز و مۆدریچ و ناچۆ دەتوانن ببنە ڕاهێنەر.
پوختەی قسەكانی ئەنچیلۆتی:
– تیپەكە سەلامەتە، مارسیلۆ پێكانێكی بچوكی هەیە، لە چەند ڕۆژی داهاتوودا چارەسەری دەكەین.
– ئالابا كێشەی نییەو هیوایەكی زۆر هەیە بۆ یاریكردنی لە یاریی كۆتایدا.
– هەرگیز قسەمان لەسەر یاریزانی یانەكانی تر نەكردووە، ڕێزی یانەكان دەگرین، پێویستە سەرنجمان لەسەر یاریی كۆتایی بێت.
– لە چامپیۆنز لیگ نابێت هەڵە بكەیت، لە خول چارەسەر دەكرێت، بەڵام لە چامپیۆنز لیگ هەر هەڵەیەك لەوانەیە ناسناوەكەت لەدەستبدات.
– ژمارەیەكی زۆر یانە هەیە كە هەوڵی چامپیۆنز لیگ دەدات، چوار یاریی كۆتایی لە هەشت ساڵدا كارێكی گەورەیە ئەنجاممانداوە.
– ڕۆدریگۆ لەوانەیە سەرەكی بێت، ئەو یارییە تەنها بۆ 11 یاریزان نییە، بۆ سەرجەم یاریزانەكانە.
– ناسناوی تاكی بەلای منەوە گرنگ نییەو ئامانجم ئەوەیە چامپیۆنز لیگ بۆ ڕیاڵ ببەمەوە.
– لە رووی توانای جەستەییەوە یاریمان بەرامبەر باشترین تیپەكانی جیهان كردووە و توشی كێشە نەبوین.
– بەهێزترین ڕووبەڕووبونەوە ئەوەی چێڵسی بوو ، چونكە ئێمە خۆمان لە پێش بووین و دەبوو كار لەسەر لایەنی دەرونی بكەین.
– لەگەڵ هیچ یاریزانێكی دەرەوەی ڕیاڵ مەدرید قسەم نەكردووە.
– لیستێك دیاری دەكەم بۆ ئەوەی ئامادەبن بۆ لێدانە یەكلایی كەرەوەكان.
– كاسمیرۆ و كروس و مۆدریچ هەروەها ناچۆ دەتوانن وەك ڕاهێنەر كاری تەكتیكی بكەن.
– ڕێزێكی زۆرمان هەیە بۆ لیڤەرپووڵ ، ئەوان كارێكی گەورە دەكەن، ئێمە بە پەرۆشین بۆ ڕووبەڕووبونەوەی لیڤەرپوڵ.
– هازارد سەلامەتە، دوای پێكانەكەی ورەیەكی بەرزی هەیە، ئەگەری یاریكردنی هەیە، تەنانەت گاریس بەیلیش.
– ئێمە ڕیزی یەكتر دەگرین و یاریزانەكانیش بە بڕیارەكان ڕازی بوون.
– دەتوانن بڵێن كە لیڤەرپوڵ پاڵێوراوی سەرەكییە، بەلای هەندێكیشەوە ڕیاڵ مەدرید پاڵێوراوە، پێموایە یاریی كۆتایی هاوسەنگە، هیچ كێشەیەكم لەگەڵ بابەتەكە نییە.
