تەنها لە دوو پارێزگای هەرێمدا بەهۆی خۆڵبارینەوە 95 هاوڵاتی سەردانی نەخۆشخانەكانیان كردووە و چارەسەریان بۆ كراوە.
بەڕێوەبەرایەتیی گشتیی تەندروستیی سلێمانی بڵاویكردەوە، لە ناوەندە تەندروستییەکانی سەر بە بەڕێوبەرایەتییەكەیان و هەردوو فریاکەوتنی نەخۆشخانەی (شار و د. جەمال ئەحمەد ڕەشیدی فێرکاری منداڵان) لە ئەنجامی کاریگەرییەکانی تۆز و خۆڵ تائێستا 80 کەس سەردانی نەخۆشخانەكانیان كردووە و چارەسەریان بۆكراوە.
لای خۆیەوە هەمزە رەزیکی، بەرپرسی ڕاگەیاندنی تەندروستیی دهۆک بە تۆڕی میدیایی ئێستای ڕایگەیاند، بەهۆی خۆڵبارینەوە ئەمڕۆ 15 كەس سەردانی نەخۆشخانەكانیان كردووە.
وتیشی، “ڕەوشی تەندروستیی هەموویان جێگیرە و دوای چارەسەری ڕەوانەی ماڵەوە کراونەتەوە”.
