لە هێرشێكی داعشدا بۆسەر گوندێك لە باشووری كەركوك شەش جوتیار كوژران.
ئێوارەی ئەمڕۆ گروپێكی چەكدارانی داعش هێرشیان بۆسەر گوندی سامی عاسی سەر بە ناحیەی ڕەشاد ئەنجامدا و شەش لە جوتیارانی گوندەكەیان كوشت، بەر لەوەی چەند ئۆتۆمبێلێك و دەغلودانەكەیان بسوتێنن.
پەیامنێرمان پێیڕاگەیاندین، جوتیارەكان سەرقاڵی دروێنە بوون ئەوكاتەی لەلایەن چەكدارەكانەوە هێرشیانكراوەتەسەر.
وتیشی، دوابەدوای هێرشەكە هێزێكی هاوبەشی هەردوو لیوای 16 و 56ی حەشدی شەعبی و پۆلیسی فیدراڵی گەیشتوون و كێوماڵی ناوچەكەیان دەستپێكردووە.
