بەڕێوەبەرایەتیی پۆلیسی سلێمانی بڵاویكردووەتەوە، تۆمەتبارێكیان دەستگیركردووە كە حەوت فەرمانی دەستگیركردنی هەبووە.
بەپێی ڕاگەیەندراوێكی بەڕێوەبەرایەتیی پۆلیسی سلێمانی کە تێیدا هاتووە، مەفرەزەكانی بنكەی پۆلیسی ڕزگاری تۆمەتبارێكیان دەستگیركرد كە حەوت فەرمانی دەستگیركردنی هەبووە و پێنج لەو فەرمانانە لە بەڕێوەبەرایەتیی بەرەنگاربوونەوەی توندوتیژیی دژی ئافرەتان و خێزان بووە.
لە ڕاگەیەندراوەكەدا هاتووە، بۆ ئەو مەبەستە لێكۆڵینەوەكانی پۆلیس دەستیپێكردووە و شوێنی تۆمەتبار لەلایەن مەفرەزەكانی بنكەی پۆلیسی ڕزگاری دۆزرایەوە و دەستگیركرا و یەكێك لە تۆمەتەكانی خراپ بەكارهێنانی ئامێرەكانی پەیوەندیكردن بووە و هەڕەشەی بڵاوكردنەوەی وێنە و ڤیدیۆی نەشیاوی كردووە بەرامبەر وەرگرتنی بڕێك پارە.
ئاماژە بەوە شكراوە، تۆمەتبارەكە بە بڕیاری دادوەر ڕاگیراوە و لێكۆڵینەوە لەگەڵیدا بەردەوامە.
