بڕیاری بە قەزاكردنی حاجی ئاوا لە سنووری ئیدارەی ڕاپەڕین جێبەجێدەكرێت و حكومەت نووسراوی بۆ دەركرد.
لە نووسراوێكی حكومەتی هەرێمی كوردستان-دا هاتووە، پاڵپشت بە بڕیاری ژمارە 122 لە 21/4/2022 بڕیارماندا بە هێنانەكایەی قەزای حاجی ئاوا لە سنووری ئیدارەی ڕاپەڕین.
فەرمانەكەی حكومەت كە ئەمڕۆ یەكشەممە 22ی ئایار دەركراوە ئاماژە بۆ ئەوە دەكات كە لە ڕێكەوتی دەرچوونییەوە جێبەجێدەكرێت.
لە مانگی حوزەیرانی ساڵی ڕابردوودا ئەنجومەنی پارێزگای سلێمانی دەنگی دا لەسەر بە قەزاکردنی هەردوو ناحیەی بازیان و حاجی ئاوا.
