لە چەند کاتژمێری ڕابردوودا یەکەم گەشتی ئاسمانی لە سعودیە کە سەرجەم ستافەکەی ژن بوون ئەنجامدرا، لەگەڵئەوەی گەشتەکە ناوخۆیی بووە بەڵام بە هەنگاوێکی گرنگ لە فڕۆکەوانیی ئەو وڵاتەدا دادەنرێت.
کۆمپانیای فڕۆکەوانیی “فلای ئەدێڵ” کە گەشتەکەی ئەنجامداوە لەوبارەیەوە ڕایگەیاندووە، ئەوە یەکەم گەشتی لەو شێوەیەیە لە سعودییە کە سەرجەم ستافەکەی ژن بێت.
گەشتەکە ناوخۆیی بووە و فڕۆکەکە لە ڕیازی پایتەختەوە بەرەو جددە فڕیوە.
حدث تاريخي للطيران السعودي🇸🇦#طيران_أديل ينفرد بتشغيل أول رحلة في سماء المملكة بطاقم نسائي بالكامل غالبيتهن سعوديات، وذلك على متن أحدث طائراتنا من طراز A320 التي حلقت بالرحلة رقم117 من #الرياض إلى #جدة 💜✈️ pic.twitter.com/nfg8xGOhQd
— طيران أديل (@flyadeal) May 20, 2022
سەرجەم ئەندامانی ستافەکە کە حەوت ژن بوون لە ژنانی سعودیە بوون کە یەکێک لەوانە یاریدەدەری کابتنی فڕۆکەکە بووە، جگە لە کابتنەکە کە ژنێکی بیانی بووە.
بۆ یەکەمجار لە ساڵی 2019دا دەستەی فڕۆکەوانیی سعودیە ڕایگەیاند یەکەم گەشتی ئاسمانی لە وڵاتەکەیان ئەنجامدراوە کە یەکێک لە ئەندامانی ستافەکە ژن بووە و یاریدەدەری کابتنی فڕۆکەکە بووە.
