دەسەڵاتدارانی كەنەدا گیانلەدەستدانی چوار كەسیان لە ڕۆژهەڵاتی وڵاتەكە بەهۆی گەردەلولێكی بەهێزەوە ڕاگەیاند، كە بەهەمان شێوە بووەتەهۆی بێبەشبوونی 900 هەزار خانوو لە تەزووی كارەبا.
گەردەلولەكە هەردوو كەرتی ئەونتاریۆ و كیبیك-ی گرتووەتەوە.
پۆلیسی ئەونتاریۆ لە تویتەرەوە گیانلەدەستدانی سێ كەس و برینداربوونی ژمارەیەكی دیكەی ڕاگەیاند.
لە كیبیك-یش ژنێكی تەمەن پەنجا ساڵان بەهۆی هەڵگەڕانەوەی بەلەمەكەیەوە گیانیلەدەستدا، وەك ئەوەی ڕادیۆی كەنەدا لە پۆلیسی ناوخۆییەوە بڵاویكردەوە.
هەروەك نزیكەی 900 هەزار خانوو لە ڕۆژهەڵاتی كەنەدا ڕۆژی شەممە بێ كارەبا مانەوە.
