دوو فڕۆكەی بێفڕۆكەوان لە گوندێكی نزیك چەمچەماڵ بۆردوومانی ئۆتۆمبێلێكیان كردووە، جگە لە پێكانی ئۆتۆمبێلەكە، ئاگر لە پووش و پاوانی ناوچەكەش كەوتووەتەوە.
هێمن بەهجەت بەڕێوەبەری ناحیەی ئاغجەلەر بۆردوومانەكەی بۆ تۆڕی میدیایی ئێستا دووپاتكردەوە، ئۆتۆمبێلێك پێكراوە، بەڵام نازانن هاوڵاتییە یان گەریلای پەكەكە.
هێزە ئەمنییەكان و هێزی بەرگریی شارستانی چوونەتە ناوچەكە، بەڵام بەهۆی ئەوەی تا ئێستا فڕۆكەكان بەئاسمانی ناوچەكەوەن، ناتوانن بچنە شوێنی ڕووداوەكە.
بۆردوومانەكە لە سنووری گوندی “تووتەقەڵ” بووە لە ناحیەی ئاغجەلەری چەمچەماڵ سەر بە پارێزگای سلێمانی.
میدیاكانی پەكەكەش هەواڵی بۆردوومانەكەیان بڵاوكردووەتەوە، دەڵێن، بەپێی زانیارییەكان قوربانی هەن.
