بەهۆی ئەو شەپۆلی خۆڵبارینەی هەرێمی کوردستانی گرتووەتەوە، فڕۆکەخانەی نێودەوڵەتیی سلێمانی سەرجەم گەشتە ئاسمانییەکانی ڕاگرتووە.
تاهیر عەبدوڵا بەڕێوەبەری فڕۆکەخانەی نێودەوڵەتیی سلێمانی بە تۆڕی میدیایی ئێستای ڕاگەیاند، بەهۆی کەشوهەوا و خۆڵبارینی زۆرەوە گەشتەکانیان تا کاتێکی نادیار ڕاگرتووە و کاتی دەستپێکردنەوەی گەشتەکانیش پەیوەستە بە ئاسایی بوونەوەی کەشوهەواوە.
بەڕێوەبەری فڕۆکەخانەی سلێمانی وتی، بەهۆی کەمبوونەوەی ئاستی بینین تاڕادەیەکی زۆر و ناسەلامەتیی گەشتەکان بڕیاری ڕاگرتنی سەرجەم گەشتە ئاسمانییەکانمان داوە.
پێشتر هەریەکە لە فڕۆکەخانەی بەغداد و نەجەف بڕیاری ڕاگرتنی گەشتەکانیان دا، بەهۆی کەمبوونەوەی ئاستی بینین بۆ 300 مەتر.
