كێشەی فەرمانبەران و مامۆستایانی زانكۆی سلێمانی چارەسەركرا و لە سبەینێوە دەست بە دەوامی ئاسایی دەكەنەوە و تاقیكردنەوەكانیش وەكوخۆی بەڕێوەدەچن.
د.پێشڕەو حەمەجان، یاریدەدەری سەرۆكی زانكۆی سلێمانی بۆ كاروباری خوێندكاران بە تۆڕی میدیایی ئێستای ڕاگەیاند، “لە سبەینێوە بايكۆتی مامۆستایان و فەرمانبەران كۆتایی دێت و دەست بە دەوامی ئاسایی دەكەنەوە”.
ئاشكراشیكرد، بەپێی لیستی مووچە، كە حكومەت دیاریكردووە 25 مانگ مووچەی خوێندنی باڵا خەرجدەكرێت و بەڵێنیان پێدراوە مووچەكانیان لەكاتی خۆیدا پێبدرێت.
دەربارەی تاقیكردنەوەكانیش، یاریدەدەری سەرۆكی زانكۆی سلێمانی جەختیكردەوە، تاقیكردنەوەكانیش هەر كۆلێژ و پەیمانگەیەك بەپێی پلانی خۆی ئەنجام دەدرێت.
د.پێشڕەو حەمەجان ئاشكراشیكرد، سبەینی دەرماڵەی خوێندكارانی زانكۆی سلێمانی خەرج دەكرێت.
