تۆمەتبارێك لەناو بازاڕی سلێمانی لەلایەن هێزەكانی پۆلیسی سلێمانییەوە دەستگیركرا كە بەتۆمەتی كوشتن لەلایەن پۆلیسی كفری-یەوە داواكراوبوو.
بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی فەرمانی گرتنی تۆمەتبارێك لە دادگای كفرییەوە گەیشتە پۆلیسی سلێمانی، هێزەكانیان لێكۆڵینەوەیان دەستپێكرد و دوای گەڕان و بەدواداچوونەكان توانرا تۆمەتبار (ك.ن.أ.) لەلایەن نوسینگەی نەهێشتنی تاوانی ناو بازاڕ بدۆزرێتەوە و دەستگیربكرێت.
تۆمەتبار لەلایەن لە بنكەی پۆلیسی كفری داواكراوبووە بەپێی ماددەی 406 لە یاسای سزادانی عێراقی، وەك ئەوەی پۆلیسی سلێمانی دەیڵێت.
ئەوەشی خستەڕوو، دوای تەواوكردنی ڕێكارە یاساییەكان تۆمەتبار ڕەوانەی شوێنی داواكراو دەكرێتەوە.
