شەش كەس بەتۆمەتی شەڕ و تەقەكردن دەستگیركران

تۆمەتبارە دەستگیركراوەكان

لەلایەن هێزەكانی پۆلیسی سلێمانییەوە شەش كەس بەتۆمەتی شەڕ و تەقەكردن لە كافتریایەكدا دەستگیركران.

بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی لەناو کافتریایەکدا شەڕ دەبێت و دەنگی تەقە دەبیسترێت، مەفرەزەکانی بەشی پۆلیسی فریاکەوتن و بنکەی پۆلیسی بەختیاری گەیشتنە شوێنی ڕووداوەکە.

لەلایەن هێزەكانی پۆلیسەوە شەش تۆمەتبار دەستگیركران، لەگەڵ دەستبەسەراگرتنی چوار ئوتومبێل کە بەتۆمەتباران بووە، وەك ئەوەی پۆلیسی سلێمانی دەیڵێت و ئاماژەی بەوەشكردووە كە دەستیشگیراوە بەسەر چەکێکدا لە جۆری دەمانچە.

لەئێستادا تۆمەتباران بەناوەکانی (ب.ڕ.ع. لەدایکبووی 1991، ب.ڕ.ع. لەدایکبووی 1996، د.ع.ح. لەدایکبووی 1998، ڕ.ڕ.ع. لەدایکبووی 1989، ڕ.م.ص. لەدایکبووی 1996 و ش.ف.ج. لەدایکبووی 1998) بە بڕیاری دادوەر ڕاگیراون و لێكۆڵینەوە لەگەڵیاندا بەردەوامە.

بابەتی پێشتر

چەند ڕێنماییەکی گاریگەر بۆ دابەزاندنی شەکری خوێن

بابەتی دواتر

تاوانێکی سامناک.. بە هۆکارێکی سەیر سێ منداڵی خۆی کوشتووە

بابەتی پەیوەندیدار
Total
6
Share