پۆلیسی سلێمانی دەستگیركردنی 15 دەرۆزەكەر ڕادەگەیەنێت و دەڵێت، یەکێکیان بەناوی فاڵگرتنەوە، نوشتە و جادووەوە ھاوڵاتییانی فریوداوە.
بەڕێوەبەرایەتی پۆلیسی پارێزگای سلێمانی ڕایگەیاند، دوای سکاڵای ھاوڵاتیان کە دەرۆزەکەران لە بازاڕ و شوێنە گشتییەکان بوونەتە ھۆی بێزارکردنیان، ھەڵمەتێکیان بۆ دەستگیرکردنیان دەستپێکرد، مەفرەزەکانی بەشی پۆلیسی ڕێککاریی 15 دەرۆزەکەریان دەستگیرکرد کە یەکێکیان بەناوی فاڵگرتنەوە، نوشتە و جادووەوە ھاوڵاتیانی فریوداوە.
پۆلیسی سلێمانی دەڵێت، هەڵمەتەكانیان بەردەوام دەبێت بۆ دەستگیرکردنی دەرۆزەکەران و ئەو کەسانەی بەناوی نوشتە و جادوەوە ھاوڵاتیان فریودەدەن.
دوێنێش لە چالاكییەکدا مەفرەزەکانی پۆلیس توانیان چوار تۆمەتباری ئافرەت دەستگیربکەن کە ھێرشیانکردبووەسەر ھاوڵاتییەک و بڕێک پارەیان لێدزیبوو.
