ئەمڕۆ لەسەر رێگای کەلار – ناحیەی باوەنور ئۆتۆمبێلێک وەرگەڕا و دواتر سووتا و بەهۆیەوە چوار کەس برینداربوون.
بەڕێوەبەرایەتیی هاتوچۆی گەرمیان بڵاویکردەوە، ” کەمێک پێش ئێستا شۆفێری ئۆتۆمبێلێکی جۆری تۆیۆتا کامری بە ئاڕاستەی ناحیەی باوەنور رۆیشتووە نزیک گوندی (قولەبەرز) کۆنتڕۆڵی لەدەستداوە پاشان وەرگەڕاوە ،بەهۆیەوە شۆفێر و سێ سەرنشین بریندار بوون”.
ئاماژەی بەوەشکرد، “سەرجەمیان گواستراونەتەوە بۆ نەخۆشخانەی فریاکەوتنی شەهید هەژار لەکەلار، تیمەکانی هاتووچۆ لێکۆڵینەوەیان لە رووداوەکە دەستپێکردووە”.
