ئەنجومەنی خۆبەڕێوەبەری دیموکراتی شەنگال، جەختدەكاتەوە قبوڵناكەن پارتی بەناوی شەنگالەوە دانوستاندن لەگەڵ حكومەتی عێراقدا بكات.
لە کۆنگرەیەکی ڕۆژنامەوانیدا ئەنجومەنی خۆبەڕێوەبەری دیموکراتی شەنگال “مەخەدەشە” ڕایگەیاند، بۆ جێبهجێكردنى ئهو بڕگه و خاڵانهى پێشتر پارتى و بهغداد لەبارەیانەوە ڕێككهوتوون بهناوى ڕێكهوتنى 9ى تشرینى یهكهم كه لهنێوان پارتى دیموكراتی كوردستان و حکومەتهكهى کازمی-دا كراوە، پارتی دهستیكردووە به جووڵه و بهنیازە شاندێك ڕهوانهى بهغداد بكات.
ئەنجومەنەكە دەڵێت، “پارتى شاندێکی ئامادەکردووە بۆ ئەوەی بچێتە بەغداد و لەسەر پرسى شەنگال دانوستاندن و ڕێكکهوتن بكات، بەڵام ئێمه به هیچ شێوهیهك هیچ جۆره دانوستاندنێکی ئەو شاندەى پارتیمان قبوڵنییه”.
بەپێی وتەی ئەنجومەنی خۆبەڕێوەبەری دیموکراتی شەنگال، ئەوان سەرقاڵی چارەسەركردنی گرژییەكانی شەنگال-ن، بەڵام پارتى و حکومەتەكەی کازمی بەردەوامی بە سیاسەتی شەڕ لە شەنگال دەدەن.
