لە دهۆك، پیاوێك بە وایەر ژنەكەی خۆی خنكاند و دواتر خۆی ڕادەستی پۆلیس كرد.
موقەدەم – هێمن سلێمان بەرپرسی ڕاگەیاندنی پۆلیسی دهۆك بە تۆڕی میدیایی ئیستای ڕاگەیاند، بەیانی ئەمڕۆ لە گەڕەكی سەرهەڵدان لە ناوەندی شاری دهۆك، كاتژمێر 8:00ی بەیانی ژن و پیاوێك بووەتە شەڕیان و پیاوەكە بە وایەر ژنەكەی خنكاندووە.
سەرەتا پیاوەكە هەڵاتووە، بەڵام دواتر خۆی ڕادەستی پۆلیس كردووە و بەپێی ماددەی 406 لە یاسای سزادانی عێراقی پەڕاوی لێكۆڵینەوەی بۆ كراوەتەوە و دەستبەسەرە.
ژنە قوربانییەكە تەمەنی 28 ساڵ بووە و پیاوەكەش 32 ساڵە و خاوەنی یەك منداڵن.
