ئێسکەپەیکەری مرۆڤ شێوە بە جەستە دەدات و ئەندامەکان و خوێنبەرەکان پێکەوە کۆدەکاتەوە، هەروەها بە سەرچاوەی سەرەکیی جووڵەش دادەنرێت.
لەگەڵ تێپەڕینی کاتدا ئێسکەکان لاواز دەبن، بەپێی شارەزایانیش ئەم لاوازبوونە لە 30ەکانی تەمەنەوە دەستپێدەکات، بۆیە پێویستە گرنگی بە تەندروستییان بدرێت و ئەو خۆراکانە وەربگیرێن کە پێویستە بۆیان.
بەپێی پێگەی “EAT THIS NOT THAT”، سەوزە گەڵادارە تۆخەکانی وەک سپیناخ و سڵق و برۆکلی لە باشترین جۆرەکانی سەوزەن بۆ ڕێگریکردن لە لاوازبوونی ئێسکەکان.
هەروەها جەستە بەشی زۆری پێکهاتەی کالسیۆم لە ددانەکان و ئێسکەکاندا هەڵدەگرێت، بۆیە ئەم پێکهاتەیە پێویستە بە بەهێزی و مانەوەی ئێسک، چونکە بەپێی توێژینەوەکان ئەگەر جەستە بەشی پێویست کالسیۆم وەرنەگرێت، ئەوا لە ئێسک و ددانەکانی دەردەهێنێت و ئەمەش دەبێتە هۆی لاوازبوونیان.
لە سەوزە تۆخەکاندا بە تایبەتی برۆکلی ڕێژەیەکی بەرزی کالسیۆمی تێدایە و پێویستە بخورێت.
